Sumik siunertaqarpa?
Mavedans Kangiani qiterlermi qiteriaasiuvoq, timip pisataasa ilaat uninngatinniarneqarnissaa pingaarnertut aallunneqartarluni. Workshoppertitsinermi mavedansimi ilusilersortarneq sammissavarput, tamatuma saniatigut sungiusarnerit pinnguarnerillu allat inuttut nammineq inissaqartitsineq pigisaqarnerlu aallaavigalugit. Angajullerni aamma misigissaasunut kinguaassiutinullu tunngasuni assigiinngissuseq pillugu suliaqassaagut.
Siunertaq
Siunertaq tassaavoq, atuartut timiminnik eqqumaffiginninnerulernissaannik ikiornissaat aamma kulturimut allamut paasinninnerulernissaat, taamaalillutimmi aamma imminut paasinninnerulersinnaalissagamik. Siunertaavortaaq, atuartut imminut naleqartinnerat inerisassallugu killissatillu ilisimaarinerulernissaat.
Ilinniartitsisoq: Ivalu Skifte-Labansen
Sumiiffik: Illorput imaluunniit NUIF.
Malugiuk: Inniminniinermi immersugassaq atorneqarsinnaanngilaq
Ataaniittoq una inniminniinermut immersugassaq ajoraluartumik maannakkut atorneqarsinnaanngilaq. Taamaattumik inniminniinermi immersugassaq atorneqarsinnaanngilaq.
Neqeroorut una inniminnerusukkukku, taarsiullugu uunga e-mailimut allagit:
ivalu@uummatiga.com
Piffissamik isumaqatigiissuteqarnissaq pillugu iliisersuisoq imaluunniit suliffeqarfik attavigiuk. Isumaqatigiissuteqaqqaarnasi ornigunnaveersaarnissaq qinnutigaarput.
Maluginiaruk inniminniineq aatsaat atuutilissammat suliffeqarfik/ilitsersuisoq piffissamik aalajangersimasumik uppernarsisimappagu.
Paasinninnernut qujanaq
Imm. 4. Atuartitsineq pissutaaqataassaaq, atuartut kulturinik arlalinnik assigiinngitsunillu oqaaseqarfiusut inooqataanermi naleqarlutillu avitseqatigiiffiusarnerat pillugit misilittagaqalernissaannut ilisimasaqalernissaannullu aamma atuartut kalaallit danskillu akornanni oqaatsitigut kulturikkullu peqatigiittoqarsinnaanerannut paasinninnerulernissaat. Atuartitsineq atuartunut Danmarkimi nunarsuullu sinnerani kulturi inuunermilu atugassarititaasut pillugit paasisimasaqartitsilissaaq, taamaalillunilu nunat tamalaat akornanni pissutsit taakkunanilu kulturimik paasisimasaqassuseq pillugit paasisimasaqalissutaassalluni.
Imm. 4. Atuartitsineq atuartunut nunani tuluttut oqaluffiusuni nunarsuullu sinnerani kulturimut inuunermilu atugassarititaasunik paasisimasaqarusulersitsissaaq, taamaalillutik nunat tamalaat akornanni pissutsinut kiisalu namminneq kulturimik allallu kulturiinik peqatigiinnermi paasinnilluarnissamut annertusaaqataassaaq.
Imm 2. Atuartitsineq pissutaaqataassaaq atuartut inuttut aamma misigissutsikkut piginnaasaat soorluttaaq silassorissutsikkut taamatullu timikkut piginnaasaasa ineriartornerannut. Atuartitsinikkut atuartut imminnut ilisimaarinerat, imminnut naleqartinnerat aamma pinngorartitsisinnaanerat pitsanngorsarneqassaaq soorluttaaq inuttut eqqarsarluartartutut isumassuisutullu, eqqarsaatersortutut pilersaarusiortartutullu, imminnut allallu paaralugit taamaattumillu namminneq siunissaminnik ilusilersuinissamut akisussaaffimmik tigumiartutut ineriartornissaannut tapertaalluni.
Imm. 4. Atuartitsineq pissutaaqataassaaq atuartut inuiaqatigiiffigisaanni inuiaqatigiinnilu allani kulturimut inooriaatsimullu paasisimasaqassusermik ilisimassusermillu pigiliussinissaannut. Atuartut atortussanik, ileqqunik kulturimullu tunngasunik ataqatigiisitsilluni suliaqarnermikkut kulturikkut ersersitseriaatsinik peqatiginnissinnaanermilu piginnaasaqarlualissapput.