Kulturimik isumassarsiorfik atuarfinni ulluuneranilu neqeroorutini sullissiviuvoq, Kommuneqarfik Sermersuumi meeqqanut inuusuttunullu nutaaliorluni kulturikkut ilinniartitaanermut neqeroorutaalluni.
Meeqqat kalaallit kulturiannik, taassuma ataani kulturikkut kingornussassat, oqaluttuarisaaneq ullutsinnilu eqqumiitsuliorneq kulturilu kiisalu kulturit assigiinngitsut pillugit ilisimasaqarnerup pitsanngorsarnissaa siunertaavoq. Anguniagaq nassaassarsiorluni kulturikkut ilinniartitaanermut neqerooruteqarnikkut anguneqassaaq.
Kulturimik isumassarsiorfik Kommuneqarfik Sermersuumi atuarfinnut meeqqerivinnullu akeqanngilaq. Paaqqinniffinnut aningaasartuutaanngitsumik meeqqat inuusuttullu nassaassarsiorluni kulturikkut ilinniarnermi misilittagaqalernissaat neqeroorummit qulakkeerneqassaaq.
Kulturikkut neqeroorutit klassikkaarlugit ukioqatigiiaarlugilluunniit aaqqissuunneqarnikuupput, attuumassuseqarnerat pissarsiassaanerilu qulakkeerniarlugit. Ilinniartitsisutut perorsaasutulluunniit neqeroorut klassimut imaluunniit ukioqatigiiaanut sullitannut tulluutsinnerusat toqqassavat, tamannalu ulluinnarni ilinniartitsininnut perorsaanermiluunniit suliaqarninnut kulturikkut sammisaqartitsinermik ajornannginnerulersitsivoq.
Kulturikkut neqeroorummut atuartuutitillu imaluunniit meeraatitillu nalunaarnersi nittartakkakkut ingerlassinnaavarsi. Kulturimut isumassarsiorfiup nittartagaani kulturikkut neqeroorut kissaatigisat nassaariuk, kingornalu nalunaarnissamut immersugassap ammarnissaanut neqeroorut tooruk. Nalunaarnerit qulakkeerniarlugu immersugassami paasissutissat pisariaqartut immersukkit.
Kulturikkut neqeroorutit ataasiakkaat sumiiffii assigiinneq ajorput. Kulturikkut neqeroorut aalajangersimasoq pillugu ersarinnerusumik paasisaqarusukkuit Kulturimut isumassarsiorfiup nittartagaani neqeroorutip pineqartup ataani allaaserisaq innersuussutigineqarpoq. Neqeroorutit ilai sumiiffimmi kulturikkut suliffeqarfinni ingerlanneqartarput allalli aamma illit atuarfinni meeqqerivinniluunniit ingerlanneqarsinnaallutik.
Ilinniartitsisup/perorsaasup ilaanissaa kulturikkullu neqeroorummi toqqarneqartumi peqataanissaa naatsorsuutigineqarpoq. Atuartunut toqqissisimatitseqataasarpoq ilinniartitsinermi sinaakkusiilluarnerusarluni. Ilinniartitsisup/perorsaasup peqataanera meeqqanut toqqissisimasumik ilikkagaqarfiulluartumillu misigisaqartitsinermut qulakkeerinissamut pingaaruteqarpoq.
Kulturikkut neqeroorut pilersaarutaasoq taamaatiinnarneqassagaluarpat imaluunniit allanngortinneqassagaluarpat, kulturikkut suliffeqarfiit imaluunniit eqqumiitsuliortut namminersortut toqqaannartumik ilinniartitsisumut imaluunniit perorsaasumut neqeroorummik inniminniisimasut attaveqassapput. Pingaaruteqarpoq, ilinniartitsisut imaluunniit perorsaasut taamaatitsiinnartoqassagaluarpat imaluunniit allannguisoqassagaluarpat kulturikkut suliffeqarfik imaluunniit eqqumiitsuliortoq namminersortoq isumaqatigiissuteqarfigisimasartik ilisimatissallugu
Kulturimut isumassarsiorfimmit kulturikkut neqeroorutit, ilinniartitsisut ilinniartitaanermi atortussat pitsaassusissaat akisussaaffigineqarpoq inuit suliamut ilisimasallit taakkuninnga toqqaanerisigut.
Eqqumiitsuliortuuguit, sanaluttartuuguit imaluunniit atuartitsisuuguit Kulturimut Isumassarsiorfimmut peqataarusullutit, nittartakkatsinni suleqatigiissinnaanermut paasissutissat takusinnaavatit. Immikkoortumi "Suleqatigineqarsinnaaneq" paasisaqarnerugit.
Kulturimut isumassarsiorfik toqqaannaq attavigisinnaavat. Uunga e-mailimik nassiussinikkut pisinnaavoq isumassarsiorfik@sermersooq.gl. Ilinniartitsisut perorsaasullu apeqqutit akineqarnissaannut attavissamut attaveqarnissaat kajumissaarutigaarput.
