Sumik siunertaqarpa?

Uaajeernermik misigissutsit, tassaavoq workshoperneq assigiinngitsunik sungiusarlunilu pinnguarneq, tassani pineqassapput Kalaallit Nunaanni uaajeertarnermi misigissutsit pingasut tunngavigineqartartut – inuuneq, asanninneq toqulu. Ulloq aallartinneqassaaq qulliup eqqaani oqaluttuarnermik naggaserneqassallunilu kiinnagut qalipallugit uaajeerlutalu.

Siunertaq

Workshopernermi atuartut misigissutsiminnik atugaqarnerminnik nukittunerulernissaat, oqaasinnguisinnaanissaat kiisalu imminnut naleqartinnerulernissaat. 

Ilinniartitsisoq: Ivalu Skifte-Labansen

Qallunaatut, Tuluttut, Kalaallisut, Inuttut ineriartorneq, Upperisarsiorneq isumalioqqissaarnerlu, Inuiaqatigiilerineq, Aalaneq pissanganartuliornerlu, Assassorneq ilusilersuinerlu, Timersorneq silamiinnerlu, Eqqumiitsuliorneq illuliortaaserlu, Nipilersorneq erinarsornerlu

1) Misigissutsit ajunngitsut ajortullu ilisarisinnaassagaat, oqaluttuarisinnaassagaat inuttullu akueriuminartumik qisuariarfigisinnaassagaat,

2) Allat misigissusii iliuusiilu isummerfigisinnaassagaat kiisalu pisunut assigiinngitsunut inuit assigiinngitsumik misigisarnerannut paasinninnertik takutissinnaassagaat,

3) Allanut ajornartoornermi pakatsissutitik imaluunniit kamaatigisatik misigissutsitik aallaavigalugit ersersissinnaassagaat

Imm. 1.  Inuit upperisatoqaannik sammisaqarnermi naatsorsuutigineqarpoq atuartut

1) Inuit oqaluttuatoqaataat inummut inuunermullu isiginnittaasiannut kiisalu silarsuarmut paasinnittaasiannut ilisimasanik paasititsiniutaasut paasisimasaqarfigitsiarnerussagaat aamma

2) Inuit malittarisassaat, allerutaat ilisarnaataallu ilisimasaqarfigissagaat.

Imm. 2 Inuit upperisatoqaannik sammisaqarnermi naatsorsuutigineqarpoq atuartut kinaassutsiminnut, imminut naleqassutsiminnut anersaakkullu ineriartornerminnut Inuit upperisatoqaat kulturiallu ilanngullugit nalilersinnaassagaat atorsinnaassagaallu.

 

Nukarliit atuarfiat

Imm. 2. Atuartitsineq atuartut piginnaasaannik assigiinngitsunik inuttullu imminnut naleqartinnerannik ineriartortitseqataassaaq. Atuartitsinerup atuartut ilisimasaqartilissavai isumatusaarnikkut, pilersitsinikkut, timersornikkut peqqinnartumillu inooriaaseqarnikkut namminneq ineriartornertik qanoq akisussaaqataaffigisinnaaneraat.

Akulliit atuarfiat

Imm. 2. Atuartitsinerup atuartut periarfississavai piginnaasaminnik soqutigisaminnillu tamatigoortumik ineriartortitsinissaannut. Atuartitsineq atuartut inuttut naleqassutsiminnik imminullu tatiginerannik nukittorsaaqataassaaq kiisalu namminneq atukkaminnut attuumassuteqarfigisaminnullu akisussaaqataatitsilerluni. Atuartut ineriartornerminnut akisussaaqataanertik tamatumunngalu sunneeqataasinnaasutut paasinninnertik annertusiartortissavaat.

Imm. 3. Atuartitsinerup atuartup ilaqutariinni, atuarfimmi inuiaqatigiinnilu aamma allat pissusilersuutaannut akisussaaffiinullu assigiinngitsunut paasinninnera ineriartorteqqissavaa. Atuartut naleqquttumik attaveqaqatigiissinnaanertik aaqqiagiinngissutsinillu aaqqiiniarsinnaanertik ineriartortissavaat.

Angajulliit atuarfiat

Imm. 2. Atuartitsinerup kingunerisa ilagissavaat atuartut inuttut ilikkakkatigullu piginnaanitik ilisimaaralugit ineriartortissagaat kiisalu periarfissatik piviusorsiortumik paasissagaat Atuartut nammineq inuunerminnut akisussaassuseqarsinnaasunngussapput allallu inuunerannut akisussaaqataasinnaanngussallutik.

Imm. 3. Atuartitsinerup kingunerisa ilagissavaat atuartut namminneq allallu pissusilersuutaannik akisussaaffiinillu assigiinngitsunik paasinninnissaat Atuartut inunnik kikkunnilluunniit oqaloqatiginnissinnaassapput akulerusimasinnaallutillu aamma atuarfimmi atuarfiullu avaatani aaqqiagiinngissutinik aaqqiisinnaassuseqassallutik. Atuartut inuiaqatigiinni oqartussaaqataaffiusuni akisussaaffitik, pisinnaatitaaffitik pisussaatitaaffitillu ilisimaarillualissavaat.

Namminersortoq
+299 367522
isumassarsiorfik@sermersooq.gl
Ulloq workshoperneq ataaseq
Qallunaatut
Nukarliit, Akulliit
Suleqatigiissitat